مساعده في ديكور غرفتي [الأرشيف] - ديكور منتديات ديكورك

butterfly09

08-04-2008, 04:25 AM

السلام عليكم ورحمة الله وبركاته

هادا اول موضوع ليا في المنتدى صراحه الموضوع اللي جابني للمنتدى موضوع كلمة اب

واتمنى اني اسوي غرفتي بنفسي من الى ..

وصراحه ما افهم بالديكور شي واتمنى القى مساعده منكم من البويه الى الاثاث حتى الاكسوارات اللي تكون بالغرفه

غرفتي 4في 4 وفيها نافذتين

و عفشي كثير يعني كتبي واوراقي كثيره بس المشكلة في انو الغرفة صغيره فياليت القى مساعده

وعلى فكره انا من الناس اللي يتعلمو بسرعه يعني اي فكره رائعه لو كانت صعبه قولوها بس بشرح وان شاء الله اعملها

يلا اتمنى منكم تعطوني ارائكم
جزاكم الله خير

عيون تبتسم

08-05-2008, 08:49 PM

اهلا بيكى معانا فى المنتدى
و اكيد حاجة تسعدنى انى اعرف اساعدك
اولا 4*4 دى مساحة حلوه مش صغيره
و متهيالى الى انتى محتاجاه
عباره عن سرير و دولاب و مكتب و كرسى للمكتب و فوتيه و اكيد 2 كومود جنب السرير
لو على الافكار فانتى لو عندك اوراق كتيره او متعلقات كتيرة ممكن تعملى ارفف و دى هتساعدك تحطى عليها حاجتك و هتلاقى موضوع باسمى فى الديكور اسمه ارفف جميله اوى فى قسم الاكسسوارات
هتلاقى فيه افكار ارفف حلوه اوى ممكن تساعدك

ممكن لو سريرك من غير ظهر ترسمى على الحيطه وراه زخرفه تحسسك بان ظهره من الحديد و دا بيدى شكل حلو اوى
و بالنسبه للشبابيك تجيبلهم ستاير من رئيى انا انها تكون حاجة خفيفة رقيقة من غير برقع و الكلام دا
و فى ستاير بيبقى نازل منها سير و فيها زى خرز

اما بالنسبه للالوان
لو عايزه تحسى بالوس لونى ابيض دا بيكبر المساحة
بس انا من رئيى ان الابيض ممكن يحسسك بملل شوية من رئيى اعملى الوان فيها تضاد مع بعض تجذب النظر و تديكى حيوية فى الغرفة
يعنى مثلا بترولى و اصفر
اكيد طبعا هتخافى من الفرق الكبير بس دا عايز شجاعه
و فى فكره تانية انك تخدى درجه لون فاتحه و معاها الدرجة الغامقة منها يعنى مثلا لبنى و بترولى
و دا ممكن بقى لون للحوائط و لون للعواميد
او ممكن تقسم الحيطه لون فوق و لون تحت

طبعا فى دلوقتى ورق الحيظة
و دا فكرته حلوه اوى بدل الكورنيشة
تقدرى تختارى ورق الحيطة الى يعجبك بالرسومات الى تعجبك
و بيدى شكل حلو اوى

ممكن كمان مثلا تقصى شكل قلوب من فروح لوح الرسم و تلزقى القلوب على الحيطه و الفكره دى بتساعدك انك لو حبيتى تغيرى تقدرى تشليهم و تحطى غيرهم و الفكره دى بسيطه جدا

و فى بقى انك ترسمى على الحيطة و دى انتشرت اوى الايام دى و قريب هنزل موضوع هنا عن الرسم على الحوائط ممكن تستفيدى منه

و ممكن لو تعرفى عملية الطباعه الى هى بتبقى بالستنسل و ترسمى عليه شكل و تفرغيه و ممكن دا عن طريق لو تعرفى الفيل البنحفظ فيه الورق تخدى النحية الشفافة و ارسمى عليها الشكل تم فرغى الشكل بالقطر و بعد كدا ثبتيه على الحيطة و هاتى الوان لاكيه و املى الفراغ هيكون حلو اوى

اتمنى انى اكون ساعدتك بجد
و احب اعرف رئيك